خـــــــــــايـفــــه

خايفه اوي

خايفه بجد

خايفه

من قلبي اللي كله جراح والام وبيتخدع بسهوله ورغم ذلك بيوفي

خايفه

من دنيتي اللي عايشه فيها وحيده رغم وجود ناس كتير والغربه رغم اني بين اهلي

خايفه

من نفسي اللي دايما بتلومني حتي لو انا مش غلطانه ومصممه تعيشني في عذاب وجراح

خايفه

من طيبتي اللي وصلت للهبل وبتخليني اسامح اي واحده مهما افترت عليا وبمجرد ما تكلمني اكلمها عادي جدا وكأن شيئا لم يكن

خايفه

من اني افقد عيوني اللي ذبلت من الدموع وكأنها وردة لم تروى من سنين خايفه افقد عقلي وقلبي

خايفه

من الناس اللي بقوا مخادعين وكذابين والحقد ملى قلوبهم

وبقوا عايشين في غابه

خايفه

من لساني اللي بيكلم اي واحده غلطت في حقي وبيقللها لو فكرتي في غلطك في حقي دا ابقي حطي مبرر لنفسك ان انتي ضعفتي في الموقف دا

خايفه

من جرحي اللي بيكبر كل يوم ومصمم يعيشني في دنيا كلها ظلام وحزن ويأس

خايفه

من عمري اللي بيفوت الثانيه بسنه وانا مش قادره اتحكم في نفسي ومش عارفه اعمل ايه خايفه من نهايتي

خايفه

من كوابيسي اللي بتلاحقني ومش بقدر انام منها بمجرد ما ابدأ انام اشوف واحد جاي يقتلني اصحي مخضوضه و مش اعرف انام

خايفه

من اللي حبيتهم ونسيوا حبي ليهم وباعوني

خايفه قلبي يموت بحبه وخايفه اكلم حد

خايفه

ان البسمه والضحكه يكونوا دلوقتي بيودعوني بجد

خايفه

ارجع زي زمان والمره دي ممكن توصل لإكتئاب بجد

خايفه

من النور ومن الظلام

من الخير ومن الشر

من الفرحه ومن الحزن

من اليأس ومن الامل

من الحياه ومن الموت

من الدنيا ومن الاخره

من الناس ومن نفسي

من كل حاجه

اللهم احيني ان كانت الحياة خير لي

وامتني ان كان الممات خير لي

ادعولي بجد محتاجه لدعاءكم