تهنئه+موضوع مهم

السلام عليكم

اولا:كل سنه وانتم طيبين يا اجمل مدونين

بمناسبة عيد الفطر المبارك

حبيت اكون اول واحده اهنيكم

_اوعوا يكون حد سبقني_

ثانيا: انا مندهشه جداااااا من المسدج اللي دايما بتتنشر بين الناس عن طريق الياهو

واللي هي :

ياجماعة انا مش مسئوله عن الكلام دة اللهم بلغت اللهم فاشهد اخت من فلسطين شافت رؤية ان اللي ينشر الخير ربنا رح يفرحه بعد اربع ساعات والله شخص اسمه محمد اقسم بالله انه رأي الرسول في منامه وقال له بلغ الإسلام والمسلمين عني السلام فمن ينشرها خلال اربعة ايام فسوف يفرح فرحا شديدا ومن يتجاهلها فسوف يحزن حزنا شديدا( لا إله إلا الله سبحانك اني كنت من الظالمين ) ارسلها إلي 55 شخص وستسمع خبر مفرح الليلة ارسل هذه الرسالة لكل اللي عندك حتي لو انا منه

تعالوا بقي نركز شويه في الرساله

* اولا:

اللي بتبعت الرساله دي تضمن منين ان الكلام دا حصل فعلا؟؟؟؟؟؟؟؟؟؟؟؟؟؟؟ طب ما جايز يكون محصلش ودي اشاعات لاحول ولا قوة الا بالله

*ثانيا _واللي مجنناني_:

ايه من ينشرها خلال اربعة ايام فسوف يفرح فرحا شديدا ومن يتجاهلها فسوف يحزن حزنا شديدا ....ارسلها إلي 55 شخص وستسمع خبر مفرح الليلة

؟؟؟؟؟؟؟؟؟؟؟؟؟؟؟؟؟

ايه دا؟؟؟؟؟؟؟؟؟؟؟؟؟؟؟؟؟؟؟؟؟؟

دا في علم الغيب يا جماعه يحصللي خير او شر اسمع خبر مفرح او محزن دا في علم الغيب اللي مفيش أي حد ممكن يطلع عليه ابداااااااااااا

وبعدين ركزوا في الحديث دا كدا

"عن ابن عباس رضي الله عنهما قال كنت خلف النبي صلى الله عليه وسلم يوما فقال يا غلام إني أعلمك كلمات احفظ الله يحفظك احفظ الله تجده تجاهك إذا سألت فاسأل الله وإذا استعنت فاستعن بالله واعلم أن الأمة لو اجتمعت على أن ينفعوك بشيء لم ينفعوك إلا بشيء قد كتبه الله لك وإن اجتمعوا على أن يضروك بشيء لم يضروك إلا بشيء قد كتبه الله عليك رفعت الأقلام وجفت الصحف"

صدق رسول الله صلى الله عليه وسلم ...... رواه الترمذي

يعني سواء نشرتها او مش اهتميت بيها وسبتها

لاراد لقضاء الله خلاص مكتوبلك تسمه خير مفرح لو مش نشرتها هتسمعه برضه لو مكتوبلك تسمع خبر محزن لا قدر الله برضه هتسمعه

ياجماعه ياريت نحاول اننا مش ننشر الكلام دا احنا منعرفشي حصل فعلا ولا لاء

انا شايفه ان الموضوع دا يستحق المناقشه

ياريت لو شايفين غلط في كلامي تصلحوه

لان

عن أبي سعيد الخدري رضي الله عنه قال : سمعت رسول الله صلى الله عليه وسلم يقول : ( من رأى منكم منكرا فليغيره بيده ، فإن لم يستطع فبلسانه ، فإن لم يستطع فبقلبه ، وذلك أضعف الإيمان ) رواه مسلم .

جزاكم الله خيرا

بقلم/ بنوته